lunedì 30 gennaio 2012
Elettores..
21 marzo 2009 13:22
A bois istimados Elettores,
pagos faeddos narrer bos cheria,
si permittides mannos e minores
e compatides sa franchesa mia ,
in custas oras tristas e dolores
chi semus in forzada carestia;
mentre s'isula Sarda pretziosa,
pitticca, si, ma ricca est dogni cosa.
Proffitto de sa bona occasione,
chi est in mottu sa Sardigna totta
pro tenner parte a sa votazione.
E so tzertu accanida chi est sa lotta;
massimu da sas ch'an s'ambizione
de no abbandonare sa pagnotta;
cussos deven lottare a dogni costu
can sun timende de perdere su postu.
A los bidides tottu affacendados
che animas chi gemen in sas penas!
No an sussegu sun dilliriados
paren canes iscapados dae cadenas,
sos oziosos e isfainados
chi cheren viver da' palas anzenas!
e po' non triballare Bettuleris,
si cheren 'intrare a .. cunsizeris.
Oe tottu si cheren in cunsizu ,
mancu ch siat un'eredidade,
chi da ' su babbu passat a su fizu
a dirigere sa comunidade .
Elettores jughide s'oju abbizu;
issa zente fuide, e odiade;
cant'alen, chie sun, già azis connottu
ca, bastante su coro bos an cottu!!!!
........
""Pitanu Morette : 1868 - 1932 /
"" Per i non Sardi .. aspettiamo la gentile traduzione dell'amica del blog , Nheit
Iscriviti a:
Commenti sul post (Atom)
Nessun commento:
Posta un commento